باسم الله الرحمن الرحيم

  اهلا بيكم في موضوع جديد على موقع زراعة بلكونة 

حنتكلم النهاردة عن زراعة النعناع بطريقة  سهلة اوي و مش محتاجة ادوات ولا اي حاجة .بعد لما تشوف الموضوع ده حتقدر تزرع النعناع في بيتك 

 النعناع عشان نزرعوا بطريقتنا حنحتاج حزمة نعناع بس و برطمان او كباية في ماء 

1-حنجيب حزمة النعناع نقطع منها الاوراق السفلية 

2-حنجيب البركمان و نملاه ماء لحد نصفه

3-حنحط عيدان النعناع في البرطمان 

4-و نسيب البرطمان في مكان ظل و نغير الماء كل يومين 

5-بعد 12  يوم تقريبا حيبدا النعناع يطلع جذور .

6-حنسيبه في الماء لحد ميطلع كمية كافية من الجذور حوالي 10 سم

7-هنا بقى اهم نقطة لما نيجي ننقله للتربة لازم تكون تربة خفيفة عشان النبات ميموتش يعني مثلا مجبش تربة طينية ثقيلة و احط فيها جذور النعناع كده غالبا حيموت 

فنعمل ايه ...نجيب تربة فيها كمية كافية من الرمل بحيث انها تكون تربة مسامية سهلة 

انا عادة بستخدم بيتموس و رمل .(ايه هو البيتموس؟ البيتموس ده تربة زراعية تباع في المشاتل ) لو معنديش بيتموس استخدم تربة من اي ارض زراعية و حط معاها رمل

8-الفترة ديه تعتبر حرجة جدا فلازم نحافظ عليه  .حنعرضه للشمس بالتدريج كل يوم شوية و لو لقيته ذبل فاجئة و هو في الشمس حطته في مكان ظل 

9- بالنسبة للري الري بعد لما ننقل النعناع قبل مالتربة تجف على طول تكون رطبة بعد لما يبدا يطلع نموات جديدة و يشتغل الري لما التربة تجف 

و بكده نكون عرفنا ازاي نزرع النعناع في البيت بطريقة سهلة اوي .

ده فيديو بيوضح الطريقة على قناة زراعة بلكونة على اليوتيوب 

تابعونا على موقع زراعة بلكونة

 www.zra3ablkona.com :لينك الموقع 

طريقة تحضير سماد طبيعي في المنزل من قشر الموز

باسم الله الرحمن الرحيم

.
.

اهلا بيكم في موضوع جديد على موقع زراعة بلكونة  😊

حنتكلم النهاردة عن طريقة بسيطة نقدر نعمل بيها سماد في البيت
(سماد غني بالبوتاسيم ) . الموز معروف عنه انه غني جدا بالبوتاسيم ..........

 ندخل في موضوعنا على طول 

1- اول حاجة حنحتاجه هي قشر موز 

2- حنجيب اي زجاجة بلاستيك فاضية 

3- حنحط فيها الموز الي عندنا 

4- حنملاها بالماية لحد الاخر . بعدين نرجها كويس اوي و كل يوم يفضل رجها او على الاقل على 4 اياام او اسبوع 

5- بعد فترة حنبدا نلاحظ ان الماية لونها اتحول للاسود كده القشر بدا يتحلل في الماية 

6-بعد شهر حيكون الموز اتحلل بالكامل و نقدر نصفيه كويس و بعدبن نحطه في رشاش و نستخدمه .

يارب الموضوع يكون عجبكم و تكونوا استفدتوا منه 😃

متنسوش تتابعونا على قناة زراعة بلكونة على اليوتيوب :

 https://www.youtube.com/channel/UCuNK-MAMCtsabBrWseacy3w

متنسوش تشتركوا في قناة زراعة بلكونة على اليوتيوب من هنا 
------------------------------------------------

طريقة زراعة الفلفل الحار في المنزل بطريقة سهلة و بسيطة

باسم الله الرحمن الرحيم

.
.

اهلا بيكم في موضوع جديد على مدونة زراعة بلكونة 

حنتكلم النهاردة عن زراعة الفلفل الحار  في المنزل من حجات بسيطة و موجودة في كل بيت 😊

1- حنحضر الاصيص او الوعاء الي حنزرع فيه و هنا اقصد اي وعاء معتم مخروم من الاسفل لتصريف الماء الزائد 

2- حنحضر التربة بتاعتنا و لما نقول نحضر التربة ففيه خلطات للتربة كثيرة جدا و كل واحد يجهزها حسب النتوفر عنده . ممكن بيتموس و رمل و ممكن طمي و رمل 

3-حنروي كويس بماية لحد الماية متخرج من تحت الاصيص 

4- حنجيب قرون فلفل شطة من عند الخضري نحاول على قد منقدر نختار الفلفل المستوي عشان تكون البذور مستوية و لما تتزرع تنبت باذن الله 

5- نفتح الفلفل و نخرج البذور من الفلفل و نوزعها على وش التربة 

6- ممكن نزرع البذور في مكانها الدائم من البداية بس في الحالة ديه منكترش البذور يعني نباتين في الاصيص الواحد او 3 بحد اقصى عشان نضمن انه يطلع انتاج معقول باذن الله 

7-بعد حوالي اسبوع او 10 ايام حتبدا البذزر تنبت 

8- بعد حوالي شهر و نصف حتبدا تظهر ازهار الفلفل الجميلة . الازهار ديه حتتحول فيما بعد الى الفلفل بعد لما تنشف

9- بعدين يبقى عندنا نبات فلفل جميل في البلكونة او السطح بمكونات بسيطة من غير اي تكلفة 

يارب الموضوع يكون عجبكوا و تكونوا استفتدوا منه 😊

-------------------

تابعوا قناة زراعة بلكونة على اليوتيوب : https://www.youtube.com/channel/UCuNK-MAMCtsabBrWseacy3w

طريقة انشاء صوبة بسيطة للنباتات فى المنزل بابسط الامكانيات

باسم الله الرحمن الرحيم 

 اهلا بيكم فى موضع جديد على مدونة زراعة بلكونة 😊

حنتكلم النهاردة عن موضوع مميز و سهل تنفيذه في البيت و مش محتاج اى امكانيات

حنتكلم عن طريقة انشاء صوبة بسيطة للنباتات 

1- اول حاجة محتاجين كرتونة زى دي كده او اى شكل و حجم يناسبك 

2- نشيل الجزء الى فوق عشان تبقى بالشكل ده 

3- نخطط من تحت 10 سم زى كده و فوق 3 سم او حسب الابعاد المناسبة للكرتونة الى عندك و من على اليمين 2 سم الصورة بتوضح كل حاجة 

4- نقص المنطقة الى معلمناش عليها زى كده

5- بعد كده نجيب بلاستيك او مشمع شفاف و ده الى حنغطى بيه الصوبة

6- بنلزق البلاستيك بتاعنا (بسولتيب).

7-و في النهاية نكون جهزنا الصوبة بتاعتنا نقدر نستخدمها في تعقيل و اكثار النباتات

.................................
يارب الموضوع يكون عجبكوا و اشفكوا في موضوعات تانية ان شاء الله 😄
متنسوش تزورونا على قناة زراعة بلكونة على اليوتيوب : https://www.youtube.com/channel/UCuNK-MAMCtsabBrWseacy3w

طريقة زراعة الفول من البذرة الى الثمرة خطوة بخطوة ((فى المنزل )) How to plant and grow beans

باسم الله الرحمن الرحيم 

اهلا بيكم فى موضوع جديد على مدونة زراعة بلكونة 😃

 حنتكلم النهاردم عن زراعة الفول من اول البذرة حتى الثمرة باذن الله 

حاسس ان فيه حد بيسالنى السؤال ده 

-هل ينفع ازرع الفول عندى فى البلكونة او فى السطع ؟ و هل حيطرح فول حراتى فعلا ؟؟

* اه باذن الله يطرح فول و ينفع طبعا يتزرع فى البلكونة او فوق السطح 

يلا بينا نبدا ......................

1- حنحتاج بذور الفول الى هى الفول العادى و ديه صورته .. و هو بيتباع عند اى عطارة 

2- بعد مجبنا البذور (و نحاول على قد منتقدر نجيب البذور الكبيرة عشان نضمن انها تكون نضجة و تنبت باذن الله)

بنحضر الاصيص الى فيه التربة بتاعتنا ( التربة مكونة من بيتموس و رمل ) 

3- نسقيها كويس بالمايه لغايت الماية متنزل من فتحات التصريف 

4- نحط البذور فى التربة بالشكل ده و نغرزهم على عمق 1 سم 

5- بعد كده نردم عليهم بالتراب 

6-بيبدا الفول ينبت بعد اسبوع تقريبا (ممكن قبل او بعد )

7- بعد شهر و نصف تقريبا بيبدا يطلع زهور بيضاء فى اسود ديه لما تنشف و تقع حيطلع الفول مكانها باذن الله (مش ضرورى كل الزهور تطلع فول ) 

8- بعد كده الفول يبدا يتكون 

و بكده نكون خلصنا . يارب الموضوع يعجبكوا و ان شاء الله اشوفكوا فى موضوعات تانية :)

تابعنا علة قناة زراعة بلكونةة على اليوتيوب https://www.youtube.com/channel/UCuNK-MAMCtsabBrWseacy3w

---------------------------------------------------------------------